Chama cha Upinzani MDC Alliance kinasema Chamisa amemshinda Mnangagwa

By: Frank Nickson Mapunda
01 2018
0
  Share on:                 

Chama cha upinzani cha MDC kinasema kuwa chama tawala cha Zanu-PF kinajaribu kufanya udanganyifu ili kumruhusu Emmerson Mnangagwa kushinda , na kucheleweshwa kutolewa kwa matokeo hakutakubalika.

Tume ya uchaguzi nchini humo imesema kuwa hakuna udanganyifu na inahitaji muda ili kuhesabu kura hizo.
Uchaguzi huo ni wa kwanza tangu rais wa zamani Robert Mugabe kuondolewa kwa nguvu madarakani.

Akizungumza katika mkutano na vyombo vya habari mjini Harare, Tendai Biti wa chama cha MDC Alliance amesema kuwa kuna jaribio la wazi linalofanywa na Zanu-Pf kuingilia chaguo la wananchi.

Zanu-Pf ambacho kimekuwa madarakani tangu 1980 kimeshutumiwa kufanya udanganyifu katika miaka ya nyuma ili kumweka Mugabe madarakani.

Hata hivyo msemaji wa chama amesema kuwa hajui kile bwana Tendai Biti anachozungumzia .


Maoni
Currently there are no comments for this topic!
Acha maoni yako